Deiz
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
An deiz eo ar c'houlzad etre ar sav-heol hag ar c'huzh-heol (pe "serr-noz"), etre div noz, da lavaret eo prantadoù teñvalijenn. E-pad an deiz e weler sklaer ha luc'hus eo an oabl abalamour da c'houloù an Heol. Kemmañ a ra padelezh an deiz hervez ar c'houlz-bloaz hag al lec'h war an douar. Keit ha 6 miz e c'hall padout an deiz e daou benn an Douar.
Dre astenn eo an deiz (pe an devezh) un deiz hag un noz asambles, met ar c'houlzad a zo etre un eur resis hag ar memes hini er memes lec'h d'an antronoz (d'an deiz a zeu goude an noz). Ar seurt koublad deiz ha noz a vez implijet pa lavarer eus seizh deiz ar sizhun.
Unvezioù deiz[kemmañ | kemmañ ar vammenn]
Un unvez amzer eo an deiz ha pa n'emañ ket er SI e vez implijet asmables gantañ. Talvezout a ra 86 400 eilenn hag div arouezenn a ya gantañ: j (arouezenn c'halleg diwar jour) pe d (arouezenn etrebroadel diwar al latin dies). Sellet ouzh Lec'hienn Burev Etrebroadel ar Pouezioù hag ar Mentadurioù (e galleg)).
An deiz heolel eo ar c'houlzad ma'z eus ezhomm d'an Douar evit ober un dro pa vije posupl e welout a-ziwar an Heol, mod-all eo ar c'houlzad a zo etre daou dremenad an Heol lerc'h-ouzh-lerc'h a-blom d'ar memes hedred. E-barzh ar c'houlzad-se ez eus troiadur an Douar war he ahel koulz hag e dremen a-hed e orbit. Dre emglev ez eus 24 eur e-barzh pep deiz eus zero eur betek hanternoz (hemañ a zo e 24 eur koulz hag en eur zero eus an deiz war-lerc'h.
E-barzh ur bloaz (ur bloavezh) ez eus 365 pe 366 deiz (devezh).
An deiz steredel eo ar c'houlzad ma'z eus ezhomm d'an Douar evit ober un dro pa vije posupl e welout a-ziwar ar stered nesañ ha tremenadoù ur steredenn lerc'h-ouzh-lerc'h e hedred ul lec'h bennak. Talvezout a ra un deiz steredel evit 23 eur 56 munutenn.
Deizioù ar sizhun[kemmañ | kemmañ ar vammenn]
Seizh deiz zo er sizhun en deiziataerioù julian ha gregorian :
Koulzadoù an deiz[kemmañ | kemmañ ar vammenn]
- Mintin pe "beure": a) eus hanternoz da greisteiz; b) eus sav-heol da greisteiz
- Enderv: eus kreisteiz da 4-5 eur.
- Abardaez pe "pardaez": etre 4-5 eur ha kuzh-heol
- War-lerc'h kuzh-heol: noz
Sellet ivez[kemmañ | kemmañ ar vammenn]
- Abardaez
- Bloaz
- Devezh etrebroadel
- Devezh juliat
- Enderv ; Endervezh
- Eur
- Hanternoz
- Kreisteiz
- Kuzh-heol
- Mintin pe Beure
- Miz
- Noz
- Pardaez
- Pemdezieg (kelaouenn bemdeziek)
- Pemdeziek (anv-gwan) : a zeu diouzh pep deiz
- Sizhun
Liammoù[kemmañ | kemmañ ar vammenn]
